ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ នៅព្រឹកថ្ងៃទី១៣ ខែមេសា ឆ្នាំ២០២៣ បានអញ្ជើញចូលរួមពិធីបួងសួងនៅអាស្រមម្ចាស់ទឹកម្ចាស់ដី សុំសេចក្ដីសុខ សេចក្ដីចម្រើន នឹងជោគជ័យគ្រប់ការងារនៅឆ្នាំថ្មី ព្រមទាំងឆ្នាំបន្តបន្ទាប់ និងអភិសេកព្រះរូបព្រះនារាយណ៍នៅខាងត្បូងស្រះទឹកសម្ដេចឪ សម្ដេចម៉ែ តាមបែបព្រហ្មញ្ញសាសនា ព្រមទាំងលែងកូនត្រី ចូលក្នុងស្រះសម្ដេចឪសម្ដេចម៉ែ ។ នាឱកាសនោះ ឯកឧត្ត បានចូលរួមបុណ្យផ្កាប្រាក់ប្រមូលបច្ច័យកសាងបង្ហើយរបងស្រះទឹក និងប្រកាសបើកពិធីសង្ក្រាន្តស្រុកជលគិរីផងដែរ ។
